ضروريات

التقدم ،النهضة،التنمية،الانجاز،الرخاء....... مصطلحات براقة تتشدق بها كل الأنظمة والحكومات باختلاف مرجعيتها وأيدولوجيتها ،والحكومات الواعية فقط هى من تدرك أن هناك أسس يجب أن يقوم عليها أى تطور ،وهذه الأسس إن لم تتوافر إحداها ضاع المجهود هباءا مهما كانت النوايا سليمة حيث لم تدرك تلك الأنظمة الفارق بين العصرين القديم والحديث فى الوسائل والأدوات والغايات فمازالت تعيش فى داخلها بأساليب العصور القديمة الشمولية أما هذا العصر فله أدوات وأساليب مختلفة ..... تلك الأسس التى نتحدث عنها هى الحرية والكفاءة المصحوبة بامتياز أخلاقى وثقة الشعب فى السلطة فإن لم تتوافر إحداها ضاع التطور المنشود المتشدق به ......... والحرية تشمل الحرية السياسية والاقتصادية والاجتماعية والدينية والمعلوماتية ،وقد تتوفر الحرية شكلا دون وجود روح الحرية ،والسلطة يجب ان تدرك أن لا ملاذ لها دون الحرية والا من أين تتعرف على مطالب الناس ولوازم التنمية دون مجتمع مدنى حر ومؤسسات وسيطة وجمعيات ونقابات وحياة سياسية وأحزاب معارضة وبرلمانات حقيقية واعلام حر غير موجه وحرية تدوال المعلومات واقتصاديات حرة فإن لم تتوافر تلك الأشياء لجأت السلطة إلى الأمن والتقارير والنتيجة دولة أمنية وقمعية نهايتها حتمية ،والمشكلة الكبرى فى توافر الحرية هى مطالبة غالبية الشعب بها والإيمان بها كحق إنسانى ومنهج حياة فطرى ،وهناك شعوب لها تاريخ طويل من الاستبداد اعتادات عليه وأصبح جزءا من تركيبتها وعندما تعطى حريتها بثورات مثلا سرعان ماتدرك أن الحرية عبء عليها لا يستطيع العقل أن يتحمله فهو يصيبه بالحيرة التاتجة عن عدم القدرة على تحمل المسئولية والاختيار وسرعان ما تدرك رغبتها فى ازاحة ذلك الحمل وتعود الى ماتعودت عليه من استبداد!!!!! والكفاءة المصحوبة بامتياز أخلاقى من ضرورات التطور وهو أمر متعلق برأس السلطة والمجتمع الذى يفرز كوادر السلطة ،فالمجتمعات الكسولة الغير منتجة والتى لا تتمتع بالحد الأدنى من الكفاءة تعيش أزمات فهى لا تنتج ولا تفرز كفاءات قادرة على الادارة الا نادرا،ورأس السلطة لابد له دائما من البحث عن الكفاءات النادرة حتى يكسر دائرة الاضمحلال ....... الأمر الثالث الضرورى هو ثقة الشعب فى السلطة فبدون توافره لن يتحقق اى تطور والسلطات الناجحة دائما هى التى تبحث باستمرار عن ثقة شعوبها وبدون الحرية والكفاءة لن تتوفر اى ثقة....... يبقى القول أنه لا وجود لتلك الأساسيات فى مجتمعات تهمل التعليم وتضع له ميزانيات ضئيلة وتعتبره وسيلة لكسب العيش وإن كانت هناك أجيال تسببت فى هذا الوضع فلابد لها على الأقل أن تكفر عن ذنبها تجاه أجيال قادمة فلا أمل فى الحاضر ولكن دائما هناك أمل فى المستقبل ●●●●●●●●●●●●●●●●●●●●●●

حقايق وتناقضات حاجة تقرف:(:(

بصراحة الناس فى مصر بقت حاجة تقرف ناس متناقضة فى كل حاجة ملتوية التفكير يعنى هنلاقى ناس رافعين شعار التعاطف مع الضحايا حسب المزاج زى مايكون دول من طينة ودول من طينة وناس تانية بتشتم الى اتضايق عشان الى حصل فى الكلب زى مايكون الى حصل ده عادى وناس تانية متعاطفة مع الكلب لكن الناس الى بتموت فى داهية زى مايكون حرام انك تقول ان الاتنين غلط ،هتلاقى وقفة متضامنة مع الكلب وبيطردوا واحدة غلبانة مش لاقية تاكل وتعالج ابنها!!!!! هتلاقى ناس بتعبد عبد الناصر وبتهتف يسقط حكم العسكر ،وهتلاقى ناس تانية رافعة شعارات ثورية وديموقراطية والديكتاتورية بتجرى فى دمهم ،هتلاقى ناس بتتكلم عن الاستقرار وهما مش لاقيين ياكلو ولا حاسين بأى أمن زى مايكون جوه كل شخص شخصين واحد فيهم بيضحك على التانى ويصبره على الخيبة!!!!! هتلاقى ناس بتكفر ناس عادى وناس تانية بتخون عادى والاتنين فاكرين نفسهم عكس بعض مع ان مفيش فارق بين التخوين والتكفير اساسا!!!!! هتلاقى ناس عمالة تشتم فى الجهل والعبودية وهما جهلة وعبيد ،هتلاقى ناس عايشة عبيد فى مناطق كتير برة ومايعرفوش حاجة ومايقدروش يفتحوا بقهم ضد البلد الى شغالين فيها وبيتهموا الناس بالعبودية والشحاتة!!!!! هتلاقى ناس ماشية الصبح عكسي بعربياتها وبعد الظهر بتشتم الى ماشي عكسى !!!!!! هتلاقى ناس عاملة هيصة وبشتم اغنية دعاية مصر قريبة وهما بيشحتوابره اساسا وبيفكروا بعقلية القوادين زى مايكون الاصل فى الحاجة التفكير الملتوى وعقليات المومس والاسقاطات الجنسية !!!!!!! هتلاقى ناس فى الازهر بتشتم السلفيين مع ان الازهر كله سلفيين!!!! هتلاقى ناس بتشتم داعش وهما عقليتهم كلها فكر داعش!!!! هتلاقى الى سايب دقنه وعامل علامة صلاة وهو احقر خلق الله فى المعاملة!!!! هتلاقى برامج الدين والوعظ فى كل حتة واخلاق الناس متنيلة بنيلة!!!!! هتلاقى اقباط بينادوا بفصل الدين عن السياسة ومنهم كتير بيقحم الدين فى السياسة!!!! هتلاقى اقباط بيتكلموا عن المواطنة وهما معيشين نفسهم فى جيتو ومجتمع مغلق!!!!! هتلاقى ستات بتقولك مساوة وبتنادى بكوتة للمرآة!!!!! هتلاقى ناس اخوان بدمهم ويقولك انا ضد الاخوان!!!!! هتلاقى رئيس وحكومة بيتكلموا عن انجازات والبلد متنيلة بنيلة!!!! هتلاقى حكومة بتتكلم عن معدلات نمو والركود بيتعبى فى ازايز!!!!! هتلاقى ............وهتلاقى........ عشان انا زهقت:(:(